Vuonnamárkanat

Jahkásaš olgomárkan lea lágiduvvon Várjjat sámi musea šiljus 2005 rájes. Márkan áiddostahttá báikkálaš borramuša ja dujiid, muhto lea maiddái deháláš sosiála deaivvadanbáikin masa servet 4000 olbmo olles Sámis. Márkan lea ođđaráhkadeapmi historjjálaš márkanis mii lei Várjjatvuonbađas gitta 1800-logu loahpageahčái. Dalle lei márkan gaska dálvvi, ja dohko bohte gávpejasat boazoráidduin gitta Mearrabađaluovttas dálvesiivvus. Márkan bisttii máŋgga beaivvi, ja lágiduvvojedje sihke vearromáksimat ja girkostallamat márkana olis. Ođđaáigásaš márkanis eai galgga leat oskkolaš dahje politihkalaš dáhpáhusat dahje cealkámušat, dat baicce ovddida buot sámi searvevuođajurdaga mii áiddostahttá sámegiela ja -kultuvrra. Vai šaddat arenan mas olbmot sáhttet gávttehassan boahtit vaikko eai leat ge hui sákka čiŋadan, de lea jahkásaš vuorbádeapmi, masa buot gávttehasat besset dieđihit. Vuoitit vuorbáduvvojit, ja leat ruhtavuoittut.

Leat ain eanet gávttehasat márkanis, ja máŋggas geavahit liibba geahččaladdat ođđa gáktemotaid. Máŋgga sis geat vulge fárrui govvejuvvot dán prošektii 2019:s áiddostedje ahte sii ledje dáhtolassii coggan árgagávtti dahje dakkár gávtti mii lei unnit čiŋadan go gávtti, maid 17.mája dahje Sámi Álbmotbeaivvi geavahivčče. Ná ráhkaduvvo lahka árgabeaiarena gáktegeavaheapmái, ja dat maid dahká álkibun gávtti coggat easkaálgi gáktegeavaheaddjiide geat ballet maid olbmot dadjat go aiddo sii leat dál coggan gávtti vuosttaš háve.

Isak Saba guovddáža beavddis beasat dieđiehit jos háliidat mielde vuorbádeamis gávttehasaide. G.b.: Lea Marie Store ja Eva Katrine Dikkanen Margit. Govven: Bjarne Riesto.

Close

Vuonnamárkanat lágiduvvui 31.8. Ledje 3672 guossi ja 74 gávppálačča. Lei Sáhkkuspeallan, huvlu- ja loddevistti snihkkárastin álbmotmeahcceguovddážá bokte, riiden Stall Tussi bokte, máinnasboddu Jorunn Jernsletten bokte, Portreahttagovven Bjarne Riesto ja museaprošeakta «Gávttit áiggi čađa» bokte, njoarosteapmi, Mánáidsiida 5-geađgespeallan ja Vuonnamárkanat-giehtabaddeduddjon, Girjebusse, fanasčájáhus RDM-Porsáŋggu musea ja Mearrasiida bokte. Juoigankonsearta Johan Andersen, Øystein Nilsen ja Mai Brit Utsi bokte. Ledje 508 olbmo registreren gávttehasaid vuorbádeapmái. Dálki lei hui buorre, beaivvádat, 18 gráda ja goalki.