Dát neahtta čájáhus ovdanbuktá dutkanprošeavtta “Gávttit áiggi čađa”. Prošeavtta váldoulbmil lea leamaš guorahallat gáktegeavaheami rievdadusaid Unjárgga gielddas maŋimuš čuohte jagi, ja mo dát rievdadusat čatnasit stuorát servodatrievdademiide nu mo dáruiduhttimii ja sámi ealáskahttimii. Prošeavtta lea ruhtadan Norgga Kulturráđi ovdánahttinprográmma museaid várás. Ovdanbuktima vuođđomateriálat leat govat, jearahallamat, deaddiluvvon artihkkalat ja girjjit, ja de leat vel searvan formálalaš ja eahpeformálalaš ságastallamiidda fáttás.
